Zadnje aktivnosti

Posljednje aktivnosti korisnika mogu vidjeti samo registrirani korisnici.

Online korisnici

Online korisnike Agrokluba mogu vidjeti samo registrirani korisnici.
Za potpune funkcionalnosti ovih servisa, prijavi se.

Promo

  • Trava iva
  • 27.06.2020. 13:30

Čudotvorne moći trave ive - vrijeme je berbe

Iva raste na suhim i krševitim mjestima. Prepoznaje se po malim okruglim i poleglim busjenovima.

Foto: Željko Dulanović
  • 16.251
  • 108
  • 0

"Trava iva i od mrtva pravi živa", narodna je izreka, a u brojnim selima još su živa sjećanja na 'tuberkulozne godine' nakon Drugog svjetskog rata kada je čaj od ove travke sačuvao mještane od izumiranja. Trava iva (Teucrium montanum) u narodu je još poznata i kao gorsko smilje.

Isprobali smo besplatnu mobilnu aplikaciju za identifikaciju biljaka

"U poslijeratnim godinama ovdje se teško živilo, narod je bio više gladan nego sit, a tuberkoloza je kosila i staro i mlado. Stari su mi pričali da su mještane od ove opake bolesti sačuvali kozije mlijeko i čaj od ive. U ljekovitu moć i jednog i drugog imao sam i sam priliku da se uvjerim nebrojano puta", kaže Milan Janković iz Draglice kod Nove Varoši, u susjednoj Srbiji.

Cvjeta od juna do septembra

Iva raste na suhim i krševitim mjestima. Prepoznaje se po malim okruglim i poleglim busjenovima. Listovi su joj bez peteljke, s donje strane bijele boje i dlakavi, a s gornje tamnozeleni dok su joj cvjetići koji se formiraju na vrhovima grančica, privlačne blijedožućkaste ili bijele boje. Cvjeta od juna do septembra pa su planinske padine u to vrijeme pune berača.

Za sve tegobe, riješenje našla u prirodi i njenim sastojcima

"Zbog njenih ljekovitih svojstava ni jedna kuća u ovom kraju ne čeka zimu bez osušene ive. Sve je više i berača sa strane, koji na žalost ne vode računa prilikom branja, što bi moglo imati katastrofalne posljedice. Kada se bere, trebalo bi makar trećinu cvjetića ostaviti jer pomažu da se biljka bolje veže za rijetku zemlju na kršu i tako spriječi njeno spiranje u kišnom periodu", kaže Janković i dodaje da se iva lako čupa pa kako bi se sačuvala trebalo bi nadzemni dio sjeći oštrim makazama.

Liječi mnoge bolesti, dobra i u vidu kupke

Spisak bolesti koje iva liječi je 'podugačak'. Izuzetno je gorkog i oporog ukusa jer sadrži obilje gorkih materija koje pomažu kod nadimanja i drugih bolesti želuca i crijeva. Pokazala se i kao odlično sredstvo protiv stresa i depresije, a djelotvorna je i kod bolesti usta i grla, raznih infekcija, gljivica i afti. Čaj od ove biljne vrste liječi grčeve i čisti krv. Blagotvorno djeluje kod svih vrsta groznice, ali i dijabetesa.

Pripremljena u vidu kupke, trava iva povoljno djeluje na kožu, pogotovo ako su na njoj rane i druge vrste promjena. Tinktura pomaže kod hemoroida, bolesti jetre i žuči jer podstiče stvaranje i bolji protok žučne kiseline dok u vidu balzama ublažava reumatizam.

Koristila se za liječenje još u antičko vrijeme

Iva kao biljka, u većim količinama sadrži tanin, metanol, petrolejski eter, hloroform i etilni acetat. Koristila se za liječenje još u antičko doba, a zbog specifičnih svojstava danas je u zvaničnoj medicini preporučuju za jačanje imuniteta.

"Narodno iskustvo kaže da je trava iva blagotvorno sredstvo i za jačanje organizma poslije duge bolesti i teških fizičkih aktivnosti, ali i da sa njenom upotrebom ne treba pretjerivati. Ako se pravilno koristi djeluje i protiv bakterija, smanjuje upale, izbacuje višak tečnosti iz organizma i čisti ga", kažu u okolnim selima.

Ojačajte imunitet na potpuno zdrav način - pomoću koprive

Mnogobroji su i narodni recepti u kojima je trava iva glavni sastojak, a mi vam ovdje donosimo samo nekoliko.

Mješavina za jačanje imuniteta:

Pomiješati po 20 grama trave ive, matičnjaka, hajdučke trave i majčine dušice. Supena kašika ove mješavine prelije se sa dva decilitra ključale vode, poklopi i ostavi da odstoji 20 minuta pa se procjedi. Pije se tri puta dnevno, pola sata prije jela.

Prah za jačanje imuniteta:

Osušenu ivu sameljite u mlinu za kafu, u količini koja vam je potrebna, a prah sipajte u čistu flašicu. Dok traju zdravstvene tegobe, uzimajte jedan do tri grama praha, prije jela.

Tinktura protiv bolesti žuči i hemoroida:

Oko 200 grama usitnjenih listova i cvjetova trave ive prelijte sa litar 60-procentnog alkohola i dobro zatvorite bocu. Držati na toplom mjestu mjesec dana, a onda sadržaj procijedite. Pije se tri puta dnevno po 20 kapi.

Vino za ublažavanje želudačnih tegoba i protiv malaksalosti:

Oko 200 grama usitnjene trave ive prelijte sa litrom crnog vina i ostavite da stoji osam dana, uz povremeno mućkanje. Nakon toga se sadržaj procijedi tri puta dnevno pije po jedna mala čašice (0,5 dl).


Tagovi

Ljekovito bilje Trava iva Liječenje biljem Kupke od bilja Prirodni preparati


Autor

Željko Dulanović

Više [+]

Tijekom tri desetljeća, koliko je u novinarstvu, bio je dopisnik mnogih medija. Omiljene teme su mu iz života mještana planinskih sela, a duboko vjeruje da nema raja bez zavičaja.

Izdvojeni tekstovi

KLUB

Kompanija Volkswagen oborila je novi rekord u prodaji. I ne, ne radi se o automobilima. Riječ je o njihovoj poznatoj curry kobasici.  Tako je u 2023. godini prodano je 8,33 milijuna kobasica, uključujući sve varijante. To je oko 400.000 viš... Više [+]